CEO's Letter Addressing Parents and Students about Class365 App
- CIA FIRST
- Jun 9
- 4 min read
Updated: Jun 9
លិខិតប្រធាននាយកប្រតិបត្តិអំពីការចាប់ផ្ដើមប្រើប្រាស់ប្រព័ន្ធគ្រប់គ្រងព័ត៌មាន Classe365
ថ្ងៃអង្គារ ១៥កើត ខែជេស្ឋ ឆ្នាំម្សាញ់ សប្ដស័ក ពុទ្ធសករាជ ២៥៦៩
រាជធានីភ្នំពេញ, ត្រូវនឹងថ្ងៃទី១០ ខែមិថុនា ឆ្នាំ២០២៥
គោរពជូនមាតាបិតា អ្នកអាណាព្យាបាល និងប្អូនៗសិស្សានុសិស្សជាទីស្រឡាញ់!
សាលាអន្តរជាតិ ស៊ី អាយ អេ ហ្វឺសត៍ បន្តប្ដេជ្ញាចិត្តខ្ពស់ក្នុងការពង្រឹងគ្រប់ទិដ្ឋភាពនៃការសិក្សារបស់ សិស្សានុសិស្សគ្រប់រូប។ ក្នុងន័យនេះ យើងខ្ញុំសូមជម្រាបជូនលោក លោកស្រី និងប្អូនៗឱ្យបានជ្រាបថា សាលា នឹងចាប់ផ្ដើមប្រើប្រាស់ប្រព័ន្ធគ្រប់គ្រងព័ត៌មានសាលាថ្មីហៅថា Classe365 ដែលនឹងត្រូវប្រើជំនួសកម្មវិធី ទូរសព្ទដៃ (CIA FIRST App) និងប្រព័ន្ធគ្រប់គ្រងទិន្នន័យ SchoolBase។
នៅក្នុងឆ្នាំសិក្សាថ្មីដែលនឹងចាប់ផ្ដើមនាខែសីហា ឆ្នាំ២០២៥ ខាងមុខនេះ ប្រព័ន្ធគ្រប់គ្រងព័ត៌មាន Classe365 នេះនឹងក្លាយជាថ្នាលឌីជីថលតែមួយគត់ ដែលលោក លោកស្រីអាចពិនិត្យមើលព័ត៌មានថ្នាក់រៀន និងព័ត៌មានផ្សេងៗទៀតទាក់ទងនឹងការសិក្សារបស់សិស្ស។ ដូច្នេះហើយ វាជារឿងដ៏សំខាន់បំផុតដែលមាតា បិតា និងអ្នកអាណាព្យាបាលសិស្សត្រូវទាញយកកម្មវិធីទូរសព្ទដៃ Classe365 ពី App Store ឬ Play Store រួចដំឡើងលើទូរសព្ទដៃ ឬឧបករណ៍ឌីជីថលផ្សេងៗទៀត។ តាមរយៈកម្មវិធីទូរសព្ទដៃនេះ លោក លោកស្រីអាចស្វែងរកព័ត៌មានសិក្សាអំពីបុត្រធីតាបានគ្រប់ពេលវេលា។
ការថ្លែងអំណរគុណ
នៅពេលដែលលោក លោកស្រីទាញយក និងចូលប្រើប្រាស់កម្មវិធីទូរសព្ទដៃនេះបានជោគជ័យ សូម លោក លោកស្រីអញ្ជើញមកបញ្ជរព័ត៌មាន ដែលក្រុមការងារសាលានឹងរៀបចំនៅគ្រប់សាខាសាលាទាំងអស់ ដើម្បីធ្វើការផ្ទៀងផ្ទាត់និងបញ្ជាក់ ហើយលោក លោកស្រីនឹងទទួលបានបណ្ណ ១សន្លឹក ដែលអាចប្ដូរយក ឯកសណ្ឋានសិស្ស ១ ឈុតដោយឥតគិតថ្លៃ (មិនរាប់បញ្ចូលឯកសណ្ឋានកីឡា)។ បណ្ណប្ដូរឯកសណ្ឋាន ១ សន្លឹកនឹងត្រូវផ្ដល់ជូនសម្រាប់គណនី Classe365 របស់មាតាបិតា អ្នកអាណាព្យាបាលនៃគ្រួសារនីមួយៗ។
នៅក្នុងកម្មវិធីទូរសព្ទដៃ Classe365 លោក លោកស្រី អាចពិនិត្យមើលព័ត៌មានសំខាន់ៗនៃការសិក្សា របស់បុត្រធីតាដូចជា៖
ព័ត៌មាននៃការចុះឈ្មោះ និងព្រឹត្តិបត្រពិន្ទុ
ថ្នាក់រៀនតាមប្រព័ន្ធអនឡាញ និងមេរៀនបង្រៀនផ្ទាល់តាមអនឡាញ
ការប្រគល់កិច្ចការ និងការធ្វើតេស្តខ្លី
ការប្រាស្រ័យទាក់ទងជាមួយនឹងមាតាបិតា អ្នកអាណាព្យាបាលអំពីការសិក្សា សកម្មភាពសិក្សានានា និងការជូនដំណឹងអំពីព្រឹត្តិការណ៍សាលាផ្សេងៗ
ការបង្ហាញវិក្កយបត្របង់ប្រាក់ ព្រមទាំងព័ត៌មាន និងការរំលឹកនៃការបង់ប្រាក់
សិស្សានុសិស្សក៏អាចមើលមេរៀន ប្រគល់កិច្ចការ ប្រឡងតេស្តខ្លីៗ និងចូលរៀនថ្នាក់រៀនតាមប្រព័ន្ធ អនឡាញតាមរយៈកម្មវិធីទូរសព្ទដៃ Classe365 ផងដែរ។
ព័ត៌មាននៅលើកម្មវិធីទូរសព្ទដៃ Classe365
ដើម្បីទទួលបានព័ត៌មានអំពីវិក្កយបត្រ ព្រមទាំងតាមដានការបង់ប្រាក់ និងការជូនដំណឹងនានាក្នុង កម្មវិធី Classe365 សូមលោក លោកស្រីទាញយក និងដំឡើងកម្មវិធីនេះ ត្រឹមថ្ងៃទី១០ ខែមិថុនា ឆ្នាំ២០២៥ ខាងមុខនេះ។
ព័ត៌មាននៃការចូលប្រើប្រាស់
ឈ្មោះអ្នកប្រើប្រាស់ (Username) និងពាក្យសម្ងាត់ (Password) ចូលទៅក្នុងកម្មវិធី Classe365 នឹងត្រូវផ្ញើជូនដោយផ្ទាល់ទៅលេខទូរសព្ទដៃដែលលោក លោកស្រីប្រើប្រាស់ពេលចុះឈ្មោះបុត្រធីតា។
ការគាំទ្រផ្នែកបច្ចេកទេស
ប្រសិនបើលោក លោកស្រីត្រូវការជំនួយផ្នែកបច្ចេកទេស ទាក់ទងនឹងការទាញយក ឬចូលប្រើប្រាស់ ក្នុងកម្មវិធី Classe365 សូមលោក លោកស្រីអញ្ជើញមកបញ្ជរផ្ដល់ព័ត៌មាននៅគ្រប់សាខាសាលាអន្តរជាតិ ស៊ី អាយ អេ ហ្វឺសត៍ ចាប់ពីថ្ងៃទី១០ រហូតដល់ថ្ងៃទី២០ ខែមិថុនា ឆ្នាំ២០២៥។ ក្រុមការងារសាលាបានត្រៀមខ្លួន រួចរាល់ក្នុងការជួយគាំទ្រដល់លោក លោកស្រី។
យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះទំនុកចិត្ត ការគាំទ្រ និងភាពជាដៃគូយ៉ាងល្អជាមួយ សាលានាពេលកន្លងមក។
សូមលោក លោកស្រី ទទួលនូវការគោរពរាប់អានដ៏ស្មោះអំពីយើងខ្ញុំ។
ដោយក្ដីគោរពពី,
Michael Wilde
ប្រធាននាយកប្រតិបត្តិ