CIA FIRST Staff Professional Development Day
- CIA FIRST
- Sep 16, 2024
- 2 min read
ការបណ្ដុះបណ្ដាលប្រចាំឆ្នាំដល់បុគ្គលិកសិក្សាសាលា ដើម្បីបំពាក់បំប៉ន និងលើកកម្ពស់សមត្ថភាពជំនាញ
សេចក្ដីជូនដំណឹង
ការបណ្ដុះបណ្ដាលប្រចាំឆ្នាំដល់បុគ្គលិកសិក្សាសាលា ដើម្បីបំពាក់បំប៉ន
និងលើកកម្ពស់សមត្ថភាពជំនាញ
ដើម្បីបំពាក់បំប៉ន និងលើកកម្ពស់សមត្ថភាពជំនាញរបស់បុគ្គលិកសិក្សា ដែលត្រូវធ្វើឡើងយ៉ាងទៀង ទាត់ជារៀងរាល់ឆ្នាំ សាលាអន្តរជាតិ ស៊ី អាយ អេ ហ្វឺសត៍ នឹងរៀបចំវគ្គបណ្តុះបណ្តាលបុគ្គលិកសិក្សាសម្រាប់ឆ្នាំ សិក្សា២០២៤-២០២៥ រយៈពេលពេញ១ថ្ងៃ នៅថ្ងៃចន្ទ ទី២៣ ខែកញ្ញា ឆ្នាំ២០២៤ ហើយសាលានឹង អនុញ្ញាតឱ្យសិស្សានុសិស្សទាំងអស់ឈប់សម្រាករយៈពេល ១ថ្ងៃ។
បុគ្គលិកសិក្សាទាំងខ្មែរ និងបរទេសចំនួន ១,២៥០ នាក់ នឹងទទួលបានការបណ្តុះបណ្តាលលើវិធី- សាស្ត្របង្រៀនថ្មីៗ និងជាពិសេសលើការវិវត្តនៃវិស័យអប់រំក្នុងយុគសម័យឧស្សាហកម្ម ៤.០។ កម្មវត្ថុរបស់ សាលាគឺធ្វើយ៉ាងណាឱ្យបុគ្គលិកសិក្សាម្នាក់ៗបន្តអភិវឌ្ឍគុណវុឌ្ឍិ ក្នុងការផ្ទេរចំណេះ និងជំនាញប្រកបដោយ គុណភាពជូនដល់បុត្រធីតារបស់លោក លោកស្រីស្របតាមការវិវឌ្ឍវិស័យអប់រំរបស់ពិភពលោក។ ការបណ្តុះ បណ្តាលនៅឆ្នាំនេះមិនខុសពីឆ្នាំមុនៗទេគឺជាការផ្តល់ឱកាសជូនលោកគ្រូ អ្នកគ្រូ ដើម្បីក្រេបជញ្ជក់ចំណេះដឹង ថ្មីៗបន្ថែមទៀត ពីព្រោះថាការរៀនសូត្រគឺគ្មានទីបញ្ចប់ឡើយ។
ដោយហេតុថាថ្ងៃទី២៤ ខែកញ្ញា ឆ្នាំ២០២៤ ជាថ្ងៃឈប់សម្រាកអបអរទិវាប្រកាសរដ្ឋធម្មនុញ្ញ សាលា នឹងបើកដំណើរការការរៀន និងបង្រៀនឡើងវិញ នៅថ្ងៃទី២៥ ខែកញ្ញា ឆ្នាំ២០២៤។
សាលាសង្ឃឹមថាមាតាបិតា អ្នកអាណាព្យាបាល និងសិស្សានុសិស្សពិតជាយោគយល់ និងអធ្យាស្រ័យ ហើយយើងបន្តកិច្ចសហការរួមគ្នាដើម្បីឧត្តមភាពនៃការអប់រំរបស់សាលាយើង។ សូមអរគុណ!
ថ្ងៃចន្ទ ១៤ កើត ខែភទ្របទ ឆ្នាំរោង ឆស័ក ព.ស. ២៥៦៨
រាជធានីភ្នំពេញ ថ្ងៃទី១៦ ខែកញ្ញា ឆ្នាំ២០២៤
សាលាអន្តរជាតិ ស៊ី អាយ អេ ហ្វឺសត៍
