Re-enrollment & Enrollment for New School Year 25-26
- CIA FIRST
- May 19
- 2 min read
Updated: May 29
ការចុះឈ្មោះឡើងវិញ និងការចុះឈ្មោះសិស្សថ្មីសម្រាប់ឆ្នាំសិក្សា ២០២៥ - ២០២៦
លោក លោកស្រីជាមាតាបិតា និងអ្នកអាណាព្យាបាលសិស្សជាទីរាប់អាន!
ឆ្នាំសិក្សាចាស់២០២៤ - ២០២៥ នឹងបញ្ចប់ក្នុងពេលដ៏ខ្លីខាងមុខ ហើយឆ្នាំសិក្សាថ្មី២០២៥ - ២០២៦ នឹងឈាន ចូលមកដល់ក្នុងពេលឆាប់ៗនេះ។ ឆ្នាំសិក្សាចាស់យើងបានដកស្រង់នូវបទពិសោធន៍មួយចំនួន ដើម្បីធ្វើឱ្យកាន់តែប្រសើរនូវ ការចុះឈ្មោះឡើងវិញនិងការចុះឈ្មោះសិស្សថ្មីក្នុងឆ្នាំសិក្សាថ្មីនេះ។ ក្នុងន័យនេះសាលាពិតជាត្រូវការការចូលរួមរបស់លោក លោកស្រី ដើម្បីធានាបានថាសាលាមានព័ត៌មានគ្រប់គ្រាន់ពីមាតាបិតាអ្នកអាណាព្យាបាល និងតម្រូវការរបស់បុត្រធីតា ហើយសាលាក៏ងាយស្រួលក្នុងការរៀបចំថ្នាក់រៀន ចំនួនសិស្សតាមថ្នាក់ សម្ភារបរិក្ខារបច្ចេកវិទ្យា ជាពិសេសបុគ្គលិកសិក្សាឱ្យ បានសមស្របនិងទាន់ពេលវេលា ព្រមទាំងអាចចៀសវាងបាននូវការសម្រេចចិត្តនៅនាទីចុងក្រោយរបស់មាតាបិតា អ្នក អាណាព្យាបាល និងសិស្សានុសិស្ស ដែលអាចធ្វើឱ្យប៉ះពាល់ដល់ការរៀបចំថ្នាក់រៀន។
សាលាអន្តរជាតិ ស៊ី អាយ អេ ហ្វឺសត៍ សូមជម្រាបជូនថា៖ សាលានឹងចាប់ផ្ដើមទទួលការបង់ប្រាក់ថ្លៃចុះឈ្មោះ សិស្សឡើងវិញសម្រាប់សិស្សចាស់ និងការចុះឈ្មោះចូលរៀនសិស្សថ្មីសម្រាប់ឆ្នាំសិក្សា២០២៥ - ២០២៦ ចាប់ពីថ្ងៃជូន ដំណឹងនេះតទៅ។ ឆ្នាំសិក្សាថ្មីនឹងចាប់ផ្តើមនៅចុងខែសីហាខាងមុខនេះ សាលាសូមលើកទឹកចិត្តលោក លោកស្រី មេត្តារួស រាន់មកធ្វើការបង់ប្រាក់ថ្លៃចុះឈ្មោះឡើងវិញ ថ្លៃបច្ចេកវិទ្យា និងសម្ភារសិក្សា ដើម្បីទទួលបានការបញ្ចុះតម្លៃពិសេសជូនតាម កាលបរិច្ឆេទដូចខាងក្រោម៖
១. ការចុះឈ្មោះចូលរៀនឡើងវិញសម្រាប់គ្រប់កម្រិតសិក្សា (មត្តេយ្យសិក្សា K3 - ថ្នាក់ទី១២)៖
ការបង់ប្រាក់ត្រឹមថ្ងៃទី៣១ ខែឧសភា ឆ្នាំ២០២៥ - តម្លៃ $150 ដោយទទួលបានការបញ្ចុះតម្លៃ $100
ការបង់ប្រាក់ត្រឹមថ្ងៃទី៧ ខែសីហា ឆ្នាំ២០២៥ - តម្លៃពេញ $250 ។
២. ថ្លៃចុះឈ្មោះចូលរៀនឡើងវិញ នឹងត្រូវបង់ដំណាលគ្នាជាមួយនឹងថ្លៃបច្ចេកវិទ្យា និងសម្ភារសិក្សា (Technology and Resource Fee)។ កន្លែងសិក្សានឹងមិនត្រូវធានាជូនឡើយចំពោះការបង់ប្រាក់ដែលធ្វើឡើងនៅក្រោយថ្ងៃទី៧ ខែសីហា ឆ្នាំ២០២៥ ហើយប្រសិនមានការយឺតយ៉ាវ ការបង់ប្រាក់ថ្លៃសិក្សានឹងត្រូវពិន័យជាប្រាក់ចំនួន $5 ក្នុងមួយថ្ងៃ ហើយថវិកា ដែលបានមកពីការពិន័យនេះនឹងត្រូវបរិច្ចាគទាំងស្រុងលើកិច្ចការសប្បុរសធម៌។
ជាចុងក្រោយ ចំពោះការចុះឈ្មោះចូលរៀនសម្រាប់សិស្សថ្មី ឆ្នាំសិក្សា២០២៥ - ២០២៦ លោក លោកស្រីដែល មានបំណងចុះឈ្មោះបុត្រធីតា សូមធ្វើទំនាក់ទំនងមកកាន់ក្រុមការងារចុះឈ្មោះចូលរៀននៅតាមទីតាំងសាលានីមួយៗនៃ សាខាសាលាអន្តរជាតិ ស៊ី អាយ អេ ហ្វឺសត៍។
គណៈគ្រប់គ្រងសាលាសូមថ្លែងអំណរគុណលោក លោកស្រី ចំពោះកិច្ចសហការយ៉ាងជិតស្និទ្ធនិងការផ្តល់ទំនុក ចិត្តខ្ពស់ដល់សាលាយើងខ្ញុំ។
Re-enrollment and Enrollment Fee for AY 2025-2026
2025-2026学年重新注册及注册费
