កម្មវិធីអង្គររ៉ាន់ នឹងត្រូវរៀបចំឡើងនៅខេត្តសៀមរាបនៅថ្ងៃទី១ ខែធ្នូ ឆ្នាំ២០២៤ ខាងមុខនេះ។
ថ្ងៃចន្ទ ១១រោច ខែអស្សុជ ឆ្នាំរោង ឆស័ក ពុទ្ធសករាជ ២៥៦៨
រាជធានីភ្នំពេញ, ថ្ងៃទី២៨ ខែតុលា ឆ្នាំ២០២៤
ជូនចំពោះប្អូនៗសិស្សានុសិស្ស និងមាតាបិតា អ្នកអាណាព្យាបាលសិស្សជាទីរាប់អាន,
កម្មវិធីអង្គររ៉ាន់ នឹងត្រូវរៀបចំឡើងនៅខេត្តសៀមរាបនៅថ្ងៃទី១ ខែធ្នូ ឆ្នាំ២០២៤ ខាងមុខនេះ។ កម្មវិធី នេះគឺជាកម្មវិធីដ៏ពិសេសមួយ ដែលសាលាអន្តរជាតិ ស៊ី អាយ អេ ហ្វឺសត៍ តែងតែរៀបចំឱ្យសិស្សានុសិស្ស ចូលរួមជារៀងរាល់ឆ្នាំ ដោយសាលាបានរៀបចំការធ្វើដំណើរ កន្លែងស្នាក់នៅ និងការចូលរួមក្នុងសកម្មភាពនានា នៃព្រឹត្តិការណ៍រត់សម្រាប់សិស្សានុសិស្សដែលបានចុះឈ្មោះចូលរួមតាមរយៈសាលា។
ឆ្នាំនេះ សាលានឹងរៀបចំជាថ្មីម្ដងទៀត ហើយរហូតមកដល់ពេលនេះមានសិស្សានុសិស្សចំនួន៥០នាក់ ហើយដែលបានចុះឈ្មោះរួចរាល់។ ទន្ទឹមនឹងនេះ សាលាក៏បានទទួលព័ត៌មានថា មានសិស្សានុសិស្សមួយចំនួន នឹងទៅចូលរួមក្នុងកម្មវិធីនេះដោយខ្លួនឯង ដោយមិនបានចុះឈ្មោះតាមរយៈសាលា។ សាលាឯកភាពថានេះ ជាការសម្រេចចិត្តរបស់សិស្សក្នុងការចូលរួមជាមួយសមាជិកក្រុមគ្រួសារនិងមិត្តភក្ដិ។
ជំនួសមុខឱ្យស្ថាបនិក ក្រុមប្រឹក្សាភិបាល និងបុគ្គលិកសិក្សា ខ្ញុំសូមបញ្ជាក់ថា សិស្សានុសិស្សដែល មានបំណងទៅចូលរួមកម្មវិធីរត់ប្រណាំងនេះដោយខ្លួនឯងមិនមែនតាមរយៈសាលា នឹងត្រូវទទួលខុសត្រូវលើ ការរៀបចំសកម្មភាព និងការចូលរួមនានាដោយខ្លួនឯង ជាពិសេសក្នុងករណីដែលទៅចូលរួមជាមួយមិត្តភក្ដិ ដោយមិនមានសមាជិកក្រុមគ្រួសារទៅជាមួយ។
សាលានឹងទទួលខុសត្រូវតែលើសិស្សានុសិស្ស ដែលបានចុះឈ្មោះចូលរួមក្នុងកម្មវិធីរត់ប្រណាំងនេះ តាមរយៈសាលាតែប៉ុណ្ណោះ ដោយសាលាមិនអាចទទួលខុសត្រូវលើសិស្សានុសិស្ស ដែលទៅចូលរួមដោយខ្លួន ឯងឡើយ។ សម្រាប់មាតាបិតា អ្នកអាណាព្យាបាលសិស្ស សូមលោក លោកស្រីមេត្តាបញ្ជាក់ជាមួយបុត្រធីតា ថាតើបុត្រធីតាលោក លោកស្រីនឹងត្រូវចូលរួមដោយខ្លួនឯងជាមួយមិត្តភក្តិ ឬជាមួយសមាជិកក្រុមគ្រួសារ។
ប្រសិនបើលោក លោកស្រីមានចម្ងល់អំពីការចូលរួមរបស់បុត្រធីតាលោក លោកស្រី សូមទាក់ទង លោកគ្រូ អ្នកគ្រូ ឬក្រុមការងារការិយាល័យសិក្សា។ សម្រាប់ប្អូនៗសិស្សានុសិស្ស សូមប្អូនៗចងចាំថា សាលា ពិតជាមានមោទនភាពខ្លាំងណាស់លើប្អូនៗ ហើយសង្ឃឹមថាប្អូនៗនឹងរក្សាកិត្តិយសក្នុងនាមជាសិស្ស នៃសាលា អន្តរជាតិ ស៊ី អាយ អេ ហ្វឺសត៍ ក្នុងពេលចូលរួមកម្មវិធីរត់ប្រណាំងនេះ។
ដោយក្ដីគោរពរាប់អានពី,
Michael Wilde
ប្រធាននាយកប្រតិបត្តិនៃសាលាអន្តរជាតិ ស៊ី អាយ អេ ហ្វឺសត៍
Comments